Өскемен арнаулы әлеуметтік қызмет көрсету орталығында жүзге жуық қарт тұрып жатыр. Мұнда қызмет алушы әрбір азамат еңбек терапиясына белсене қатысып, өз бейімдеріне қарай музыкамен, сурет салумен айналысады. Солардың бірі сурет салудың ерекше тәсілін меңгерген Олег Некрасов. Суреттерді сөйлеткен шебермен арна тілшілері тілдесіп қайтты.
Өскемен арнаулы әлеуметтік қызмет көрсету орталығында азаматтарға бар жағдай жасалған. Мәселен, еңбек терапиясы 14 бағыттан тұрады.
Олег Некрасовтың туындылары шығыста ғана емес, елдің өзге өңірлерінде де сұранысқа ие. Шығармашылықпен айналысуға ниеттенген азаматқа мекеме басшылығы қолдау көрсеткен.
Орталықта спортпен шұғылдануға, қажетті ем алуға бар жағдай жасалған. Мұнда мерекелік шараларда жиі ұйымдастырылады. Бұл жолғы кешке «Аманат» тобы арнайы келген. Өнер ұжымы орталықтағы азаматтарға ерекше мереке сыйлады. Қариялар ән шырқап, би биледі.